Qendër mjekësore New Life
Program vezë të donatorëve
"New Life" Qendër Mjekësore e Specializuar për Gjinekologji (QMSP), është partner i zinxhirit lider të qendrave in-vitro në Evropë, që disponon kriobankë për vezët e dhuruara. Pas njohjeve me metodat për punë të kriobankës për vezë, kishim mundësi të bindeshim se ajo plotësisht i përshtatet standardeve të larta për punën e New Life. Qëllimi i kësaj broshure informative , është t'ju prezantojë informacionet bazë, të cilat duhet t'i dini përpara se të filloni me procedurën in-vitro, me vezët donatore në New Life. .
Përdorimi i vezëve të dhuruar i sugjerohet pacienteve in-vitro, kur ato s'mund të ndajnë vezët e tyre ose kur vezët e tyre janë me anomali, dhe kjo nuk lejoj që ato të fekondohen in-vitro. Në përdorimin e vezëve të donatores, me procesin in-vitro fillohet vetëm pas kryerjes së analizave të nevojshme dhe rekomandimit të dhënë nga obstetri juaj, specialist për kurim të infertilitetit!
Përkufizime:
• Fjala "paciente", do të thotë recipientë (marrëse) e vezëve të dhuruara, të cilat do t'i pranojnë embrionet e fituara në mitër, gjatë shtatzënisë do t'i bart dhe do të bëhet nënë e foshnjës/foshnjave që do të lindin si rezultat i trajtimit.
• Fjala "baba" i referohet partnerit të pacientes, burrit, spermatozoidet e të cilit do të përdoren për fekondim të vezëve (përveç rasteve ku përdoret sperma e donatorit) dhe do të jetë baba i foshnjës/foshnjave që do të lindin si rezultat i trajtimit.
Zgjedhja e donatores
Banka për vezët e dhuruara, me të cilën punon klinika New Life, i zgjedh donatoret e saj sipas një rregullore strikte, që është në përputhje me kërkesat e Ministrisë së Shëndetësisë së Bullgarisë. Donatoreve u merret një histori e hollësishme mjekësore, që përfshin dhe sëmundjet gjenetike në familjen e tyre. Pastaj i nënshtrohen dhe kontrollit mjekësor, si dhe analizë të këtyre sëmundjeve ngjitëse (infektive): HIV(AIDS), hepatit B, hepatit C, citomegalovirusi (CMV), klamidia dhe sifilisi. Analizohet dhe kariotipi (të gjitha kromozomet) e donatores, si dhe bartja e mutacioneve për fibrozë cistike (mukoviscidoza) , atrofi muskolare spinale dhe kromozi X i brishtë. Bëhen dhe analiza shtesë për sëmundje të tjera gjenetike, të cilat bëhen pas konsultimit me specialist, për përcaktimin e llojeve të tilla të domosdoshme. Kjo sigurisht, që do ta bëjë procedurën më të shtrenjtë. Gjithashtu, pacientët duhet të dinë se këto analiza nuk japin garanci të plotë për parandalim të bartjes së sëmundjeve gjenetike.
Ju do të keni mundësi të zgjidhni donatoren tuaj nga katalogu, kryesisht nga klinika New Life, në mënyrë që zgjedhja e donatores bëhet me ndihmë të një prej embriologëve tanë në hapësirën e klinikës. Katalogu përmban të dhënat e mëposhtme: moshën e donatores (mosha maksimale është 34 vjeç) shenja të jashtme, ngjyrën e lëkurës, të syve, të flokëve, llojin e flokëve ( të drejtë, me kaçurrela), gjatësinë, peshën, indeksin e masës trupore(IMT). Informacione që kanë lidhje me arsimimin, profesionin, hobin dhe gjuhët e huaja që flet donatorja, si dhe lëndët e preferuara në shkollë dhe numri i fëmijëve që ka, gjithashtu do të dorëzohet. Ne do të bëjmë të pamundurën, t'ju ndihmojmë të zgjidhni donatoren më të përshtatshme për ju!
Identiteti i donatores, mbetet absolutisht anonim dhe i ndalohet pacientes, si dhe personave të tjerë, që veprojnë në emër të saj ose në emër të familjes së tyre, të përpiqen të zbulojnë çfarëdo lloj informacioni për donatoren, vendbanimin e saj ose informacione kontakti në ditët e sotme, ose në çfarëdo moment tjetër në të ardhmen. Pasi zgjidhni donatoren tuaj, koha e realizimit të procedurës tuaj do të përcaktohet me mjekun tuaj, që të caktojë datën e dërgesës së vezëve të donatores. Ju dhe partnerit tuaj, do t'i bëhen analizat e nevojshme dhe do t'ju jepen të gjitha informacionet e aprovimit dhe deklaratat, që duhet t'i plotësoni përpara fillimit të procedurës.
